2016 jylǵy 11 naýryz, Astana, Úkimet Úıi
Azamattyq avıasııa salasyndaǵy ushý qaýipsizdigi jónindegi baǵdarlamany bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańy 13-babynyń 3-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Azamattyq avıasııa salasyndaǵy ushý qaýipsizdigi jónindegi baǵdarlama bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2016 jylǵy 11 naýryzdaǵy
№136 qaýlysymen bekitilgen
Azamattyq avıasııa salasyndaǵy ushý qaýipsizdigi jónindegi baǵdarlama
1. Jalpy erejeler
1. Osy Azamattyq avıasııa salasyndaǵy ushý qaýipsizdigi jónindegi baǵdarlama (budan ári – Baǵdarlama) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń (budan ári – Zań), Halyqaralyq azamattyq avıasııa týraly konvensııaǵa «Ushý qaýipsizdigin basqarý» 19-qosymshasynyń (budan ári – 19-qosymsha) jáne IKAO «Ushý qaýipsizdigin basqarý jónindegi nusqaýlyq» Doc 9859 (budan ári – UQBN) talaptaryna sáıkes ázirlendi jáne:
1) azamattyq avıasııa salasyndaǵy azamattyq avıasııadaǵy ushý qaýipsizdigin basqarý júıesin (budan ári – UQBJ) bildiredi;
2) halyqaralyq standarttardy jáne UQBJ-ǵa baılanysty usynylatyn praktıkany tıimdi engizýdi belgileıdi;
3) ushý qaýipsizdigi táýekelderin basqarýdyń joǵary deńgeıine qol jetkizýge jáne avıasııalyq oqıǵalar men ınsıdentterdiń sanyn udaıy azaıtýǵa baǵyttalǵan.
2. Osy Baǵdarlamanyń negizgi maqsaty Qazaqstan Respýblıkasynyń azamattyq avıasııa salasyndaǵy ushý qaýipsizdiginiń shekti deńgeıine qol jetkizý jáne qaýiptilik kózderin anyqtaý men táýekel faktorlaryn baqylaýdyń úzdiksiz prosesi arqyly osyndaı ne budan da joǵary deńgeıde saqtaý bolyp tabylady.
3. Osy Baǵdarlamada mynadaı negizgi uǵymdar paıdalanylady:
1) avıasııalyq ınsıdent – áýe kemesiniń tutastyǵyna jáne (nemese) onyń bortyndaǵy adamdardyń ómirine qater týǵyzýy múmkin nemese qater týǵyzǵan, biraq avıasııalyq oqıǵamen aıaqtalmaǵan, áýe kemesin ushýda paıdalanýmen baılanysty jaǵdaı;
2) avıasııalyq oqıǵa – áýe kemesiniń bortyndaǵy adamdardyń qaza tabýyna (dene jaraqatynyń ólimge ákelýine) jáne (nemese) osy áýe kemesiniń joıylýyna ákelip soqtyrǵan áýe kemesin ushýda paıdalanýmen baılanysty avıasııalyq jaǵdaı;
3) qyzmet kórsetýdi jetkizýshiler – azamattyq avıasııa salasyndaǵy ýákiletti organ sertıfıkattaǵan azamattyq avıasııa uıymdary (azamattyq áýe kemelerin paıdalanýmen aınalysatyn nemese osy salada óz qyzmetterin usynatyn jeke nemese zańdy tulǵa);
4) paıdalanýshy personal – avıasııalyq qyzmetti qamtamasyz etýge baılanysty jáne ushý qaýipsizdigi týraly aqparatty berýge múmkindigi bar azamattyq avıasııa uıymynyń personaly;
5) ushý qaýipsizdigi – áýe kemelerin paıdalanýǵa qatysty nemese osyndaı paıdalanýdy tikeleı qamtamasyz etetin avıasııalyq qyzmetke baılanysty táýekelder qoldanýǵa bolatyn deńgeıge deıin tómendetilgen jáne baqylanatyn kúı;
6) ushý qaýipsizdigin basqarý júıesi – qajetti uıymdastyrýshylyq qurylymdy, jaýapkershilik ıerarhııasyn, basqarýshylyq qaǵıdattary men rásimderin qosa alǵanda, ushý qaýipsizdigin basqarýdyń júıeli tásili;
7) ushý qaýipsizdigi jónindegi baǵdarlama – ushý qaýipsizdiginiń deńgeıin arttyrýǵa baǵyttalǵan qaǵıdalar men is – sharalar kesheni;
8) ushý qaýipsizdigin qamtamasyz etý tıimdiligi – memleket nemese qyzmet kórsetýdi jetkizýshi qol jetkizgen, olar belgilegen ushý qaýipsizdigin qamtamasyz etý tıimdiliginiń nysanaly deńgeıimen jáne ushý qaýipsizdigin qamtamasyz etý tıimdiliginiń kórsetkishterimen aıqyndalatyn ushý qaýipsizdiginiń deńgeıi;
9) ushý qaýipsizdigin qamtamasyz etý tıimdiliginiń kórsetkishteri – ushý qaýipsizdigin qamtamasyz etýdiń tıimdiligin monıtorıngteý jáne baǵalaý úshin paıdalanylatyn naqty derekterge negizdelgen ushý qaýipsizdiginiń parametrleri;
10) ushý qaýipsizdigin qamtamasyz etý tıimdiliginiń nysanaly deńgeıi – berilgen kezeńdegi ushý qaýipsizdigin qamatasyz etý tıimdiligi kórsetkishteri úshin josparlanatyn nemese boljanatyn nysanaly ustanym;
11) ushý qaýipsizdigi úshin táýekel – qaýiptilik saldarynyń nemese nátıjeleriniń boljanatyn yqtımaldylyǵy jáne kúrdeliligi.
2. Memlekettik saıasat jáne ushý qaýipsizdigin qamtamasyz etý maqsattary
Memlekettiń ushý qaýipsizdigi salasyndaǵy zańnamalyq negizdemeleri
4. Qazaqstan Respýblıkasynyń áýe keńistigin paıdalaný jáne Qazaqstan Respýblıkasy azamattyq avıasııasynyń qyzmeti Qazaqstan Respýblıkasynyń Konstıtýsııasymen, Zańmen jáne Qazaqstan Respýblıkasynyń azamattyq avıasııa salasyndaǵy ózge de normatıvtik quqyqtyq aktilermen, sondaı-aq Qazaqstan Respýblıkasynyń aýmaǵynda qoldanylatyn Halyqaralyq azamattyq avıasııa uıymynyń (budan ári – IKAO) standarttarymen jáne usynylatyn praktıkasymen reglamentteledi.
5. Azamattyq avıasııa salasyndaǵy ýákiletti organ (budan ári – ýákiletti organ) óz quzyreti sheginde azamattyq avıasııa salasyndaǵy normatıvtik quqyqtyq aktilerdi ázirleıdi, bekitedi, jarııalaıdy jáne jetildiredi. Azamattyq avıasııa salasyndaǵy normatıvtik quqyqtyq aktilerdi jetildirý Qazaqstan Respýblıkasynyń azamattyq avıasııasy salasynda ushý qaýipsizdiginiń shekti deńgeıine qol jetkizý úshin memlekettik deńgeıde qabyldanatyn is-sharalardyń quramdas bóligi bolyp tabylady.
6. Qazaqstan Respýblıkasynyń áýe keńistigin paıdalaný jáne avıasııa qyzmeti týraly Qazaqstan Respýblıkasynyń zańnamasy Qazaqstan Respýblıkasynyń Konstıtýsııasyna negizdeledi jáne IKAO-nyń standarttary men usynylatyn praktıkasynyń talaptaryna saı bolýy tıis.
7. Ýákiletti organ turaqty negizde Qazaqstan Respýblıkasynyń áýe keńistigin paıdalaný jáne avıasııa qyzmeti salasyndaǵy Qazaqstan Respýblıkasy zańnamasynyń IKAO-nyń standarttary men usynylatyn praktıkasyna sáıkestiginiń monıtorıngin júzege asyrady jáne IKAO-nyń standarttary men usynylatyn praktıkasyndaǵy bar ózgeshelikter týraly IKAO-ǵa ýaqtyly habarlaýdy jáne olardy aeronavıgasııalyq aqparat qujattarynda jarııalaýdy qamtamasyz etedi.
8. Ýákiletti organ azamattyq avıasııa salasyndaǵy normatıvtik quqyqtyq aktilerdiń Qazaqstan Respýblıkasynyń zańnamasyna, IKAO-nyń standarttary men usynylatyn praktıkasyna sáıkes bolýyn qamtamasyz etý maqsatynda olarǵa ýaqtyly ózgerister men tolyqtyrýlar engizedi.
9. Qazaqstan Respýblıkasynyń aýmaǵynda IKAO-nyń standarttary men usynylatyn praktıkasyn qoldaný azamattyq avıasııa salasynda tıisti normatıvtik quqyqtyq aktilerdi qabyldaý, IKAO-nyń naqty standarttary men usynylatyn praktıkasyn qoldaný jónindegi siltemelerdi kórsete otyryp, olarǵa qajetti ózgerister men tolyqtyrýlar engizý jolymen júzege asyrylady.
10. Ushý qaýipsizdigin qamtamasyz etýge jedel baqylaýdy júzege asyrý maqsatynda ýákiletti organ qyzmet kórsetýdi jetkizýshilerdiń oryndaýy úshin mindetti buıryqtardy, nusqaýlar men nusqamalardy shyǵarady.
11. Qyzmet kórsetýdi jetkizýshiler talaptar deńgeıi Qazaqstan Respýblıkasynyń azamattyq avıasııa salasyndaǵy normatıvtik quqyqtyq aktileriniń talaptarynan tómen bolmaýy tıis ishki qujattardy ázirleıdi jáne qoldanysqa engizedi.
12. Qazaqstan Respýblıkasynyń azamattyq avıasııa salasyndaǵy normatıvtik quqyqtyq aktileriniń talaptaryn oryndaý ushý qaýipsizdiginiń deńgeıin qamtamasyz etýdiń negizgi sharty bolyp tabylady. Ýákiletti organmen kelisý boıynsha sertıfıkattyq talaptar men áýeaılaqtardyń (tikushaq aılaqtarynyń) paıdalanýǵa jaramdylyǵy normalarynan ýaqytsha aýytqýǵa, eger mundaı aýytqýlar belgilengen ushý qaýipsizdigi deńgeıine balamaly deńgeıdi qamtamasyz etetin qosymsha sharalardy engizýmen óteletin bolsa, jol beriledi.
13. Ýákiletti organ Qazaqstan Respýblıkasynyń azamattyq avıasııa salasyndaǵy normatıvtik quqyqtyq aktiler tizbesin jasaıdy jáne ony ýákiletti organnyń resmı ınternet-resýrsynda jarııalaıdy.
Memlekettiń qaýipsizdigi salasyndaǵy ushý mindettemeleri
14. Ýákiletti organnyń ushý qaýipsizdigin qamtamasyz etýdi uıymdastyrý saıasaty ushý qaýipsizdigin qamtamasyz etýdiń qajetti maqsattaryna qol jetkizý úshin paıdalanylatyn UQBJ-nyń qaǵıdattaryn, rásimderi men ádisterin mazmundaýdy bildiredi jáne óz qyzmetiniń barlyq aspektilerinde ushý qaýipsizdiginiń qaǵıdattaryn engizý jáne turaqty jetildirý mindetterin belgileıdi. Ýákiletti organ azamattyq avıasııa salasy aýqymynda barlyq uıymdarda iske asyrylýy tıis ushý qaýipsizdigin qamtamasyz etýdiń ólshemdi jáne qol jetkiziletin maqsattaryn ázirleıdi.
15. Ýákiletti organ halyqaralyq jáne ulttyq talaptarǵa sáıkes áýe keńistigin paıdalaný salasyndaǵy, azamattyq jáne eksperımenttik avıasııa qyzmetindegi memlekettik saıasattyń negizgi baǵyttaryn júzege asyrady, ol ushý qaýipsizdigin basqarýǵa qatysty tórt negizgi bólimnen turady:
1) ushý qaýipsizdigin qamtamasyz etý salasyndaǵy saıasat jáne maqsattar;
barlyq basqarý júıelerinde qoıylǵan maqsattarǵa qol jetkizý úshin qaǵıdalar men uıymdyq qurylymdar bolýy tıis. Osy elementterdiń bolýyna qoıylatyn talaptar UQBJ fýnksıonaldyq elementterine negiz bolady;
ushý qaýipsizdigin qamtamasyz etý salasyndaǵy saıasat jáne maqsattar UQBJ-ǵa arnalǵan koordınatalar júıesin qurady, UQBN-ge sáıkes mynadaı elementterden turady:
basshylyqtyń mindettemeleri jáne jaýapkershiligi;
ushý qaýipsizdigi úshin jaýapkershilik;
ushý qaýipsizdigi úshin jaýapty qyzmetkerlerdi taǵaıyndaý;
avarııalyq oqıǵa jaǵdaıynda is-sharalardy josparlaýdy úılestirý;
UQBJ qujattamasy;
2) ushý qaýipsizdigi úshin táýekel faktoryn basqarý.
UQBJ-da bolatyn ushý qaýipsizdigine baılanysty táýekelderdi basqarý elementi júıeli ushý qaýipsizdigin qamtamasyz etý prosesiniń úlgisine negizdelgen;
ushý qaýipsizdigi úshin táýekel faktorlaryn basqarýdyń maqsaty qaýipti faktorlardy anyqtaý, tıisti táýekelder faktorlaryn baǵalaý jáne olardy joıý nemese uıym qyzmetterdi kórsetý kezinde yqpal etý dárejesin azaıtý boıynsha tıisti sharalar ázirleý bolyp tabylady;
3) ushý qaýipsizdigin qamtamasyz etý;
qyzmet kórsetýdi jetkizýshi aýytqýlardy anyqtaǵan jaǵdaıda ýaqtyly sharalar qabyldaý úshin ushý qaýipsizdigin qamtamasyz etý tıimdiligi kórsetkishteriniń turaqty monıtorıngin qamtamasyz etedi;
4) ushý qaýipsizdigin qamtamasyz etý prosesine járdemdesý;
Qyzmet kórsetýdi jetkizýshi ushý qaýipsizdigin negizgi qundylyq retinde nasıhattaıdy, ushý qaýipsizdigi mádenıetin is júzinde engizýge járdemdesedi. Ushý qaýipsizdigin qamtamasyz etý prosesine járdemdesý qajetti pándi bilýdi jáne qyzmetkerlerdi daıarlaýdy qamtamasyz etedi. Osy prosesti iske asyrý personaldy daıarlaý, oqytý jáne ushý qaýipsizdigi týraly aqparat almasý jolymen júzege asyrylady.
Avıasııalyq oqıǵany nemese ınsıdentterdi tekserý
16. Qazaqstan Respýblıkasynyń áýe kemesimen nemese Qazaqstan Respýblıkasynyń aýmaǵynda shet memleketiń áýe kemesimen bolǵan avıasııalyq oqıǵa nemese ınsıdent Qazaqstan Respýblıkasy Úkimetiniń 2011 jylǵy 18 shildedegi №828 qaýlysymen bekitilgen Avıasııalyq oqıǵalar men ınsıdentterdi tekserý qaǵıdasyna sáıkes mindetti túrde tekserilýge tıis.
17. Avıasııalyq oqıǵany nemese ınsıdentti tekserýdiń maqsaty oqıǵanyń sebepterin jáne (nemese) ilespe faktorlardy anyqtaý, bolashaqta avıasııalyq oqıǵalardy bolǵyzbaý jáne qaýipsizdik tıimdiligin qamtamasyz etý jóninde usynymdar ázirleý bolyp tabylady.
18. Avıasııalyq oqıǵany nemese ınsıdentti tekserýdi múddeli taraptardyń ýákiletti ókilderiniń mindetti qatysýymen komıssııa júzege asyrady. Azamattyq jáne eksperımentaldyq avıasııada komıssııany ýákiletti organ qurady.
19. Qyzmet kórsetýdi jetkizýshiniń UQBJ-de uıymnyń ınsıdentterdi tekserý tetigi kózdeledi.
Baǵdarlamany iske asyrý joldary
20. Baǵdarlama:
1) turaqty qadaǵalaý jáne ýákiletti organnyń memlekettik avıasııalyq ınspektorlarynyń qadaǵalaý máseleleri jónindegi laýazymdy adamdarmen ózara is-qımyly negizinde paıdalanýdaǵy sáıkessizdikterdi anyqtaý;
2) qyzmet kórsetýdi jetkizýshi qyzmetiniń ushý qaýipsizdigine áleýetti qatysy bar barlyq salalaryn qamtý;
3) turaqty qadaǵalaý nátıjesinde problemalar anyqtalǵan barlyq salalarǵa nazardy shoǵyrlandyrý;
4) qyzmet kórsetýdi jetkizýshiniń qarjylyq-ekonomıkalyq jaǵdaıyn baǵalaý;
5) qyzmet kórsetýdi jetkizýshiniń táýekel dárejesin baǵalaýdy esepke alý;
6) júrgizilgen tekserýler nátıjelerin esepke alý;
7) aldyńǵy tekserýler barysynda anyqtalǵan sáıkessizdikterdi joıýǵa baǵyttalǵan túzetý is-qımyldarynyń oryndalýyn baqylaý arqyly júzege asyrylady.
21. Qyzmet kórsetýdi jetkizýshiniń qyzmetin turaqty qadaǵalaý sertıfıkattaý júıesiniń ajyramas quramdas bóligi jáne halyqqa qaýipsiz ári senimdi kommersııalyq avıakólik tasymalyn usyný maqsatynda talap etiletin paıdalaný normalarynyń saqtalýyna ýákiletti organ jaýapkershiliginiń mańyzdy elementi bolyp tabylady.
22. Talap etiletin qadaǵalaý sharalary jáne olarǵa baılanysty ınspeksııalyq tekserýlerdi ýákiletti organnyń memlekettik avıasııalyq ınspektorlary júrgizedi.
3. Memlekettik deńgeıde ushý qaýipsizdigimen
baılanysty qaýipterdi basqarý
Ushý qaýipsizdigi úshin qaýip faktorlaryn basqarý
23. Ýákiletti organ osy Baǵdarlamanyń negizinde ushý qaýipsizdigin qamtamasyz etý tıimdiliginiń nysanaly kórsetkishterine qol jetkizý maqsatynda avıasııalyq qyzmette kezdesetin ushý qaýipsizdiginiń qaýip faktorlaryn baqylaý úshin qyzmet kórsetýdi jetkizýshilerdi retteý, qadaǵalaý jáne baqylaý boıynsha jumystar júrgizedi. Ushý qaýipsizdigi úshin táýekel faktorlaryn basqarý qaýipti faktorlardy anyqtaýdy, ushý qaýipsizdigi úshin táýekeldi baǵalaýdy jáne olardy azaıtý boıynsha tıisti sharalardy júzege asyrýdy qamtıdy.
24. Ushý qaýipsizdigi úshin qaýip faktorlaryn basqarý komponentiniń sheńberinde ónimdi jáne kórsetiletin qyzmetti usyný prosesinde bar qaýipti faktorlar júıeli túrde anyqtalady. Qaýiptilik faktorlary úsh negizgi komponent boıynsha qaralady:
1) normatıvtik quqyqtyq aktilerdi saqtaý (oryndaý);
2) personaldy daıarlaý;
3) ınfraqurylym jáne ónim men kórsetiletin qyzmetterdi usyný úshin onyń sáıkestigi.
25. Qaýipti faktorlardy anyqtaý.
Qyzmet kórsetýdi jetkizýshiler avıasııalyq ónim men kórsetiletin qyzmetterge baılanysty qaýipti faktorlardyń anyqtalýyna kepildik beretin resmı tártipti ázirleıdi jáne qoldanady.
Qaýipti faktorlardy anyqtaý ushý qaýipsizdigi týraly derekterdi jınaýdyń den qoıatyn, aldyn ala belsendi jáne boljamdy ádisterin ushtastyrýǵa negizdelgen.
26. Qaýipti faktorlardy anyqtaý ushý qaýipsizdigi úshin táýekel faktorlaryn basqarý prosesindegi alǵashqy qadam bolyp tabylady. Odan ári ushý qaýipsizdigi úshin tıisti táýekel faktorlary olardyń paıdalanylatyn ortadaǵy qolaılylyǵy turǵysynan baǵalanady.
Ushý qaýipsizdigi úshin táýekel faktorlary qolaısyz bolyp baǵalanatyn bolsa, olardy joıý nemese olardyń ushý qaýipsizdigine áser etý dárejesin tómendetý boıynsha sharalar qabyldanýy, sondaı-aq olardyń keıingi monıtorıngi uıymdastyrylýy tıis.
Qyzmet kórsetýdi jetkizýshiniń UQBJ-syna ushý qaýipsizdigin
qamtamasyz etýge qatysty qoıylatyn talaptar
27. UQBJ qyzmet kórsetýdi jetkizýshilerdiń osy Baǵdarlamada aıqyndalǵan tıisti nysanaly deńgeılik kórsetkishterge qol jetkizý maqsatynda ushý qaýipsizdigin basqarýdyń uıymdastyrýshylyq jáne rettelgen tásilin júzege asyrýy úshin arnalǵan.
28. Qyzmet kórsetýdi jetkizýshiler:
1) ushý qaýipsizdigin qamtamasyz etý kezinde táýekel faktorlaryn aıqyndaý jónindegi prosestik tásilderdi qamtamasyz etetin;
2) ushý qaýipsizdigine baılanysty kemshilikterdi joıý jónindegi jáne ushý qaýipsizdiginiń shekti deńgeıin qoldaýǵa baǵyttalǵan qajetti is-qımyldardy iske asyrýdy qamtamasyz etetin;
3) ushý qaýipsizdigi tıimdiligin jáne onyń belgilengen deńgeılik kórsetkishterge sáıkestigin turaqty baqylaýdy kózdeıtin;
4) ushý qaýipsizdigi deńgeıin jetildirýdiń turaqty prosesin maqsaty retinde kózdeıtin UQBJ engizedi.
Qyzmet kórsetýdi jetkizýshiniń ushý qaýipsizdigin
qamtamasyz etý tıimdiliginiń kórsetkishterin kelisý
29. Qyzmet kórsetýdi jetkizýshiler ázirlengen UQBJ-ny ýákiletti organmen kelisedi.
30. Qazaqstan Respýblıkasynyń azamattyq avıasııasynda ushý qaýipsizdiginiń nysanaly (eń tómen) deńgeıi belgilenedi ol kúntizbelik jyl úshin mynadaı kórsetkishterden kórinedi;
1) áýe kemelerin paıdalanýshylar úshin: ushý ýaqytynyń 100 000 saǵatyna eseptegende: adam ólimi bar 0,00155 avıasııalyq oqıǵadan aspaıdy, adam ólimi joq 0,5 avıasııalyq oqıǵadan aspaıdy, áýe kemelerindegi 50 avıasııalyq ınsıdentten aspaıdy;
2) áýe kemelerine tehnıkalyq qyzmet kórsetetin uıymdar úshin: áýe kemelerinde ushý ýaqytynyń 100 000 saǵatyna 50 avıasııalyq ınsıdentten aspaıdy;
3) áýe aılaqtaryn paıdalanýshylar úshin: áýe kemeleriniń 1000 operasııasyna qustarmen soqtyǵysý 1-den (birden) aspaıdy; áýe kemeleriniń 40000 operasııasyna ushý-qoný jolaǵyna ruqsatsyz shyǵý jaǵdaıy 1-den (birden) aspaıdy;
4) áýe qozǵalysyna qyzmet kórsetetin uıymdar úshin:
Kúrdelilik
synyby UQ eń tómen deńgeıi
A 2,31h10-8 UQU júıesiniń tikeleı yqpaly bar AO
B 2,31h10-5 UQU júıesiniń tikeleı yqpaly bar kúrdeli ınsıdentter
C 2,31h10-4 UQU júıesiniń tikeleı yqpaly bar mańyzdy ınsıdentter
D 2,31h10-2 UQU júıesiniń tikeleı yqpaly bar eleýli ınsıdentter
4. Memlekettik deńgeıde azamattyq avıasııa
qaýipsizdigin qamtamasyz etý
Ushý qaýipsizdiginiń jaı-kúıin baqylaý
31. Áýe keńistigin paıdalaný salasyndaǵy memlekettik baqylaý men qadaǵalaý Qazaqstan Respýblıkasynyń áýe keńistigin paıdalaný tártibin buzýshylyqtyń aldyn alý jáne (nemese) joıý, jáne (nemese) jolyn kesý maqsatynda júzege asyrylady.
32. Áýe keńistigin paıdalaný salasyndaǵy memlekettik baqylaý men qadaǵalaý Qazaqstan Respýblıkasynyń zańnamasynda belgilengen tártippen júzege asyrylady.
33. Ushý qaýipsizdiginiń jaı-kúıin baqylaýdyń tıimdi baǵdarlamasyn engizýdiń jáne júzege asyrýdyń úzdik ádisterin tańdaý kezindegi aıqyndaýshy faktorlar uıym qurylymynyń kólemi men kúrdeliligi bolyp tabylady.
34. Qyzmet kórsetýdi jetkizýshiler ushý qaýipsizdigine qatysty rásimderge qyzmettiń sáıkestigi maqsatynda prosesti baqylaý ádisterin belgileıdi jáne qoldaıdy.
Ushý qaýipsizdigin qamtamasyz etýdi qadaǵalaý
35. Qyzmet kórsetýdi jetkizýshiler qyzmetiniń tıisti aspektilerine turaqty baqylaý júrgizýdi kózdeıtin ushý qaýipsizdigin qamtamasyz etýdi qadaǵalaý júıesi ony basqarý tıimdiliginiń negizgi elementi bolyp tabylady.
36. Ushý qaýipsizdigin qamtamasyz etýdi qadaǵalaý qyzmet kórsetýdi jetkizýshilerdiń memleket belgilegen qaǵıdalardy, normatıvtik erejelerdi, standarttar men rásimderdi saqtaýyn kórsetedi.
37. Azamattyq, eksperımentaldyq avıasııanyń qyzmetin memlekettik baqylaý men qadaǵalaýdy ýákiletti organ mynadaı is-sharalardy oryndaý arqyly júzege asyrady:
1) osy tarmaqtyń 2) tarmaqshasynda kózdelgen tekserýlerdi qospaǵanda, júrgizilý tártibi Qazaqstan Respýblıkasynyń Kásipkerlik kodeksimen aıqyndalatyn azamattyq avıasııa uıymdaryn tekserý;
2) júrgizilý tártibi Zańmen aıqyndalatyn áýe kemeleriniń ushý qaýipsizdigi jáne avıasııalyq qaýipsizdik talaptaryn jeke jáne zańdy tulǵalardyń saqtaýyn tekserý;
3) ushý qaýipsizdigi jáne avıasııalyq qaýipsizdikti qamtamasyz etý jónindegi jeke jáne zańdy tulǵalardyń qyzmetin baqylaý men taldaýdy qamtıtyn baqylaý men qadaǵalaýdyń ózge nysandary.
38. Ýákiletti organ barlyq fýnksıonaldyq salalarda ushý qaýipsizdigin qamtamasyz etý kezinde olardyń ulttyq qaǵıdalardy, rásimder men praktıkany saqtaýyn baqylaý maqsatynda qyzmet kórsetýdi jetkizýshilerdi qadaǵalaý baǵdarlamasyn jáne ınspektorlyq quram úshin tehnıkalyq nusqaýlyqtardy ázirleıdi.
39. Ushý qaýipsizdigin qamtamasyz etýdi qadaǵalaýdy tıimdi júzege asyrý úshin ýákiletti organ bilimi men arnaıy (tehnıkalyq) daıarlyǵynyń (biliktiliginiń) deńgeıi boıynsha qyzmet kórsetýdi jetkizýshiniń ınspeksııalanatyn personalynan tómen bolmaýy tıis daıarlyqtan ótken personalmen jasaqtalady.
40. Ushý qaýipsizdigin qamtamasyz etýdi qadaǵalaýdy júzege asyrý kezinde ýákiletti organnyń ınspektorlyq quramynyń ókilettigi Qazaqstan Respýblıkasynyń zańnamalyq aktileriniń jáne IKAO standarttarynyń erejelerimen jáne talaptarymen qamtamasyz etiledi.
41. Ushý qaýipsizdigine qater tóndiretin buzýshylyqtar anyqtalǵan kezde ýákiletti organ paıdalanýshy nemese azamattyq avıasııa uıymy anyqtalǵan buzýshylyqtardy joıǵan kezge deıin sertıfıkatty (avıasııalyq jumystardy oryndaýǵa arnalǵan kýálikti) qaıtaryp alý nemese ony tolyq nemese ishinara shekteý nemese qoldanysyn toqtata turý jóninde sharalar qabyldaıdy.
42. Qyzmet kórsetýdi jetkizýshiler ınspektorlyq tekserý kezinde ýákiletti organnyń ınspektorlyq quramynyń qyzmetkerlerdiń jeke isterine, áýe kemelerine, quraldar men qyzmetterge, sondaı-aq tıisti esepke alý qujattamalaryna qol jetkizýi úshin qajetti jaǵdaılardy qamtamasyz etedi jáne olardyń mindetterin oryndaýyna járdemdesedi.
43. Ushý qaýipsizdigin qamtamasyz etýdegi naqty nemese áleýetti kemshilikter týraly aqparatty jınaýǵa járdemdesý maqsatynda ýákiletti organ Qazaqstan Respýblıkasynda azamattyq avıasııanyń áýe kemelerimen bolǵan avıasııalyq oqıǵalar men ınsıdentter týraly derekterdi (habarlamalardy) usynýdyń mindetti júıesin ázirleıdi.
Avıasııalyq oqıǵany nemese ınsıdentti, ol týraly málimetti qasaqana jasyrǵany, sondaı-aq aqparatty burmalaǵany úshin kináli adamdar Qazaqstan Respýblıkasynyń zańnamasynda kózdelgen jaýaptylyqqa tartylady.
44. Ushý qaýipsizdigin qamtamasyz etýdegi naqty nemese áleýetti kemshilikter týraly aqparatty jınaýǵa járdemdesý maqsatynda ýákiletti organ ınsıdentter týraly derekterdi (habarlamalardy) erikti usyný júıesin qurady, olar ınsıdentter týraly derekterdi mindetti usyný júıesi sheńberinde tirkelmeýi múmkin.
Insıdentter týraly derekterdi erikti habarlaý júıesi avıasııalyq ınsıdentter týraly aqparatpen ǵana shektelmeýi tıis, sonymen qatar qaýipti faktorlar, ıaǵnı ınsıdentke ákep soqtyrýy múmkin qaýipti jaǵdaılar týraly málimetterdi jınaýdy da kózdeýi tıis.
Insıdentter týraly derekterdi (habarlamalardy) erikti usyný júıesi jaza qoldanýǵa baǵdarlanbaǵan jáne aqparat kózderin qorǵaýdy kózdeýi tıis. Erikti habarlaý kezinde jaza qoldanýdan bas tartý ınsıdentter jáne qaýipti faktorlar týraly derekterdi erikti habarlaý júıesiniń negiz qalaýshy qaǵıdaty bolyp tabylady.
45. Ýákiletti organ avıasııalyq oqıǵalar men ınsıdentterdi monıtorıngteý, baqylaý jáne olardyń aldyn alý maqsatynda UQBJ boıynsha derekterdi jınaý men taldaýdyń avtomattandyrylǵan júıesin ázirleıdi jáne engizedi.
Ushý qaýipsizdigi týraly derekterdi jınaý, taldaý jáne olarmen almasý
46. Ýákiletti organ avıasııalyq oqıǵalar men ınsıdentter týraly usynylǵan mindetti jáne erikti habarlamalardy jınaýdy, esepke alýdy jáne taldaýdy júzege asyrady, sondaı-aq qaýipti faktorlardy esepke alýdy júrgizedi. Mindetti tekserýge jatatyn oqıǵalar tizbesine kiretin avıasııalyq oqıǵalarǵa qatysty ýákiletti organ olardy tekserýdi uıymdastyrady, al qaýipti faktorlarǵa qatysty olardy joıý nemese olardyń yqpal etý dárejesin azaıtý jónindegi profılaktıkalyq is-sharalardy ázirleıdi.
47. Ushý qaýipsizdiginiń jaı-kúıin taldaý avıasııalyq oqıǵalar men ınsıdentterdi tekserý nátıjeleri men olardyń derekter bazasyna, qaýipti faktorlardy anyqtaý jónindegi ártúrli baǵdarlamalardy júzege asyrýǵa, qyzmet kórsetýdi jetkizýshilerdiń qyzmetterin qadaǵalaýǵa negizdeledi jáne ushý qaýipsizdiginiń jaı-kúıin baǵalaý men aldyn alý sharalaryn ázirleýge arnalǵan.
48. Ýákiletti organ Qazaqstan Respýblıkasynyń azamattyq avıasııasy áýe kemeleriniń ushý qaýipsizdigi jaı-kúıiniń aı saıynǵy, toqsan saıynǵy, jartyjyldyq jáne jyldyq taldaýyn daıyndaıdy jáne shyǵarady. Ushý qaýipsizdigi jaı-kúıiniń taldaýlary qyzmet kórsetýdi jetkizýshilerge jiberiledi.
49. Qyzmet kórsetýdi jetkizýshiler ushý qaýipsizdigi jaı-kúıiniń jartyjyldyq jáne jyldyq taldaýlaryn jasaıdy.
Qyzmet kórsetýdi jetkizýshiler jasaıtyn ushý qaýipsizdigi jaı-kúıiniń taldaýlary jınaqtaý jáne tutastaı azamattyq avıasııa boıynsha ushý qaýipsizdiginiń deńgeıin arttyrý jónindegi profılaktıkalyq sharalardy qabyldaý úshin ýákiletti organǵa jiberiledi.
Baqylaýdy ushý qaýipsizdigi týraly derekterdiń negizinde neǵurlym problemalyq nemese qosymsha tekserýdi talap etetin salalarǵa baǵyttaý
50. Qyzmet kórsetýdi jetkizýshilerdiń, onyń ishinde shet memleketterdiń áýe kemelerin paıdalanýshylardyń UQBJ-synda sáıkessizdikter anyqtaǵan kezde Ýákiletti organ ushý qaýipsizdigi turǵysynan neǵurlym problemalyq nemese qaýipter, óndiristik qyzmetter úshin olardyń saldary týraly derekterdi jáne ushý qaýipsizdigi úshin qaýipterdi baǵalaý nátıjelerin taldaý arqyly anyqtalǵan qyzmet kórsetýdi jetkizýshilerdiń qosymsha tekserýdi talap etetin qyzmet salalarynda kezekten tys ınspeksııalyq tekserýler men zerttep tekserýler júrgizedi.
5. Memlekettik deńgeıde azamattyq
avıasııa qaýipsizdigin damytýǵa járdemdesý
51. Ýákiletti organ «Memlekettik avıasııa ınspektorlaryn kásiptik daıarlaý jáne olardyń biliktiligin ustaý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 12 qarashadaǵy №1212 qaýlysynyń negizinde memlekettik avıasııa ınspektorlaryn kásiptik daıarlaý jáne biliktiligin qoldaýdy qamtamasyz etedi.
52. Ýákiletti organ ushý qaýipsizdigin qadaǵalaýǵa qatysatyn óziniń personalyn ýákiletti organ sertıfıkattaǵan avıasııalyq oqý oryndarynda, sondaı-aq IKAO-nyń oqý ortalyqtarynda oqýdan ótkizedi.